Translate

الثلاثاء، 17 يناير، 2017

وبعد حكم المحكمه بمصرية الجزيرتين

وبعد حكم المحكمه بمصرية الجزيرتين .....
اللى هو رغم أحقيته وحقيقته لا يمثل سوى جزء واحد من مطالب الثوره اللى هى "عيش -حريه-عداله اجتماعيه"
احنا المصريين هنقعد نحتفل بالحكم ونكتفى بالفرحه ولا هنطالب بكل شىء دفعنا ثمنه ولسه بندفعه من6 سنين..
- حد لسه فاكر أن البرلمان الموجود ليس أكثر من برطمان يحتوى على العفن ذو الرائحه النفاذه
- حد لسه فاكر التعويم ورفع سعر كل شىء حتى الادويه والعلاج لدرجة ان المريض سيضطر لعمل جمعيه او قرض ليشترى العلاج .
-حد لسه فاكر أن السكر اللى فى عز أزماتنا عمرنا ما عانينا منه وأن ثمنه وثمن كل سلعه ضروريه اصبح نار ومش موجود وكل ده بفضل الحكومه واللى كلف الحكومه أنها تمص دم الشعب والناس
- حد لسه فاكر أن البلد مفلسه وأن إحتياط طارق عامر ما هو إلاقروض وقروض وأن مصر اقترضت فى السنه اللى فاتت مقدار قروضها فى السنين اللى فاتت كلها وان التعويم ضاعف القروض واللى كلها راحت للأسف فى مشاريع فنكوشيه
- حد لسه فاكر اننا عملنا ثورتين علشان نكمل طحن المطحونين وأن اللى عدى من طحن الاولى انطحن بفضل الثوره التانيه
- حد لسه فاكر أن القاضى ابنه لازم يبقى قاضى والضابط ابنه ضابط والزبال ابنه لازم يبقى زبال او حرامى
-حد لسه فاكر ان الشرطه لسه بتعتقل الناس ويختفوا قسرياٌ او تتم تصفيتهم زى شباب العريش
حد لسه فاكر شباب العريش اللى قبضوا عليهم من شهور وبعدين اعلنوا انهم ارهابيين وصفوهم
- حد لسه فاكر أن المصرى لا يقدر على دخول سيناء سوى بكارت أمنى من الشرطه والحكومه
- حد لسه فاكر ان الجيش كوش على كل شىء فى الاقتصاد من اول الطرشى والمكرونه والجبنه ولبن الاطفال حتى الثلاجه والتكييف وفى النهايه يقول دى تمويلا الجيش نفسه " طيب منين تمويلات الجيش "؟
حد لسه بيفكر غير أن المصريين موجودين فقط للحلب وأنهم زى العيال اللى بيخطفوهم علشان يشحتوا بيهم وعليهم .