اللى شايف دلع وما بيدلعش يبقى حرام على أمه

بصراحه مش عارف ليه الشعب بيسكت على رئيس كذاب ..
كل كلمة قالها وهو يتاجر فى الوطنيه طلعت كذبه .
كل قرار وقانون طلعه يمثل كذبه .
كل كيان تم تكوينه فى عهده هو كذبه ومفضوحه 
كل مشروع بيعمله هو فنكوش وتأثيره كارثى .
 يمكن علشان

اللى شايف دلع وما بيدلعش يبقى حرام على أمه ؟؟

عصابه تجبرهم وعصابة تشترى أعضاؤهم

تمكنت الرقابه الاداريه من الايقاع بشبكه كبيره للتجاره فى الأعضاء البشريه تستغل حاحة الغلابه وتشترى منهم أعضائهم بثمن بخس وتبيعها بملايين .
خبر يفضح أكثر مما هو فخر لبتوع تحيا مصر 3 مرات 
 الشبكه الكبيره التى دفعت الغلابه لبيع أعضاؤهم قبضت على الشبكه الصغيره التى تشترى من الغلابه أعضاؤهم .
 مع سؤال :هو ليه فى الغرب الكافر العمليات دى مش منتشره زى ما هى منتشره فى بلاد تتاجر فى الوطنيه وتتاجر فى الدين ؟؟؟

فين الدوله؟؟؟ وماهو دور المخابرات بالتحديد ؟؟؟؟

دخول حوالى 147 ألف طن من الدواجن المستوردة مصر يوم 10/11 وبعدها تم إعلان رئيس الوزراء عن قرار إلغاء الجمارك عن الدواجن المستوردة بأثر رجعى من بداية من 10/11. 
البنك المركزى هو اللى مول العمليه على أساس أنها سلع استراتيجية للمصرىين وتم تحويلها بالسعر الرسمى مش بسعر السوق السوداء .
التسريب الأحدث أن المخابرات هى اللى استورد الفراخ المجمده وهى اللى عمل تقرير كاذب بنقص الدواجن .
سواء أحمد الوكيل او المخابرات 
سواء فراخ او سكر او سجايرأو رز 
فين الدوله؟؟؟ وماهو دور المخابرات بالتحديد ؟؟؟؟
هل هو كتابة قصص الجاسوسيه بتاعت رأفت الهجان وجمعه الشوان ولا عمل أزمات وتجويعات ؟؟؟؟؟

يا ترى ممكن نصدر قراطيس ؟؟؟

- الموافقة على التصالح مع رشيد محمد رشيد وزير التجارة والصناعة الأسبق بعدالإطلاع على التقارير الرسميه التى أكدت براءة رشيد ....

- طيب هرب ليه ؟

وفين التقارير اللى كانت بتقول أنه فاسد وحرامى ؟

وليه كان عاوز يدغع فلوس علشان يتصالح ؟

- قرطاس لكل مواطن

يا ترى ممكن نصدر قراطيس ؟؟؟

شعبها يصلى لكنه لا يعرف معنى الصلاه

-الدوله التى عاصمتها تسمى عاصمة الألف مئذنه .
-الدوله التى صدعونا بشعارات اسلاميه وشيوخ هلاميه ولحى صينيه .
- الدوله التى يقولون عن شعبها مؤمن بطبيعته وفيها الأزهر حصن الاسلام لكن شيوخه لا يهمهم سوى الرد على فتاوى الشيخ ميزو وتخريفاته...
-ا أحمد عبدالرحمن«معتقل الصدفة».. يبدأ عامه الرابع في طره لدفاعه عن فتيات تعرضن للضرب كان في طريقة للعمل وأثناء مروره بشارع القصر العيني صادف وقفة لا للمحاكمات العسكرية للمدنيين أمام مجلس الشورى..."أيام الرئيس المؤمن" مرسى "بتاع الجماعة الربانيه
رأى قوات الأمن فى زي مدني تعتدي بالضرب والتحرش على الفتيات، وعندما حاول مساعدتهن تم إلقاء القبض عليه.ومازال مقبوض عليه ومحبوس للعام الرابع ومع ذلك لم يفكر فيه شيخ يتاجر بالدين ولا واحد من بتوع تجارة الوطنيه ولا حتى ابن بلد من بتوع تحيا مصر .وهى دى مصر اللى شعبها متدين بطبيعته ويعيش فى بلد عاصمته صاحبة الألف مئذنه لكنها تقتل المروءه بشيوخها وقوانينها وأمنها و

شعبها الذى يصلى لكنه لا يعرف معنى الصلاه

#جمهورية_حظر_النشر

بمناسبه منع الليثى من السفر ...
بيقولوا ان النائب العام نفى أنه منع عمرو الليثى من السفر لكنه كالعاده حجب وحظر النشر عمن إغتصب سلطاته ومنع الليثى واسرته من السفر ..
#جمهورية_حظر_النشر

#ناقوس_خطر

لا تنسوا ان تحرير سعر الدواء و تضاعف سعره معناه ببساطة موت المرضى الغير قادرين .. مثله مثل اختفاء الدواء تماما ..
منى مينا
صحيفة الصيحة في السودان : انتحار ثلاثة اشقاء بسبب العجز عن شراء دوائهم
وهنا نتسائل أين تجار الوطنيه ؟
أين تجار الدين والمشايخ والمفتى وشيخ الأزهر .؟؟
أين كل من صدع رؤوسنا بفتاويه ووطنيته؟؟
#ناقوس_خطر

ها هنا كانت ثوره

ما بين مبعر وميزو ضاعت الثوره

مابين منافق ومحشش ضاعت العمامه

ولا عجب من تحور وتعرى ثورية علياء المهدى وقلم نشوى الحوفى

تحية لكم من ميدان التحرير وعمر مكرم من مصر حيث كانت هناك ثوره

سرقها مرشد وسرقها منه ضابط وانتم تتفرجون على متناقضات مبعر وميزو وعرى علياء وتعرى قلم الحوفى .

تحية لكم من بلد المتناقضات والشعب المنكوح فى إذنيه من فوق سطح جامع وفناء كاتدرائيه ويعرض فى برنامج توك شو .

بمناسبة محاولة اغتيال السيسى وهو يؤدى العمره